Gisugat sa Butuan Drum Beaters ug usa ka vibrant cultural dance presentation ang mga delegado sa Cinema Rehiyon para sa gipahigayong River Cruise, miaging adlaw. Nakita usab nila ang replika sa karaang Butuan Boat nga Raya Kolambu nga nag simbolo sa seafaring legacy sa mga Butuanon sa miaging panahon. Nidagan sa duha ka oras ang gipahigayong River Cruise sa Agusan River. Gikan sa River Park, gidala sila padulong sa Barangay Pagatpatan aron sa pagsaksi sa tradisyunal nga pangisda sa Butuanon nga gitawag nga Sapyaw. Ang last stop nila mao ang Banza Church Ruins isip historical tour ug personal sab nilang nakita ang pagluto sa Butuanon delicacies nga Palagsing.