Midagsa sa Panaad o Station of the Cross sa Sitio Mahayahay, Barangay Anticala, ning syudad ang mga deboto kaganinang kadlawn, Biyernes Santo. Pasado alas tres pa sa kaadlawon gisugdan sa mga deboto ang pagbaktas sa lima ka kilometro padulong sa ika-14 nga Stations of the Cross. Dunay mga magkapamilya, managhigala, batan-on, ug mga tigulang ang misalmot sa Panaad. Sa matag istasyon sa krus naghalad og mga pag ampo ang mga deboto. Sa pinakataas nga bahin sa bukid, makita ang tulo ka krus asa daghan sab ang naghalad og pag ampo ug nagsindi og kandila. Aron masiguro ang seguridad sa mga deboto, gisiguro sa lokal nga panggamhanan sa Butuan sa pagpanguna ni Mayor Ronnie Vicente Lagnada nga dunay nakadeploy nga mga taga LTTMO alang sa dagan sa trapiko, CDDRMO, PNP, BFP ug Philippine Army alang sa seguridad sa kalihukan. Mitabang sab ang mga nagkadaiyang organisasyon pinaagi sa paghatag og libreng mainom nga tubig.