Pormal nga gi-ablihan sa lokal nga panggamhanan sa Butuan pinaagi sa City Social Welfare and Development Department kon CSWDD ang pagsaulog sa 32nd National Children’s Month sa City Hall Grounds, ning syudad, kagahapong adlawa. Gipuno sa gatusan ka mga daycare pupils, ginikanan, ug teachers gikan sa managlahing Child Development Centers sa syudad og colorful balloons ug yells ang dalan gikan sa SM City Butuan padulong sa City Hall Grounds pinaagi sa usa ka parada. Gikan sa 86 ka Barangay miapil ang 130 ka Child Development Centers ug 127 ka mga Child Development Workers sa syudad. Nag-dala sab og kasadya ang Mass Demonstration sa mga bata. Makita sab sa City Hall Grounds atol sa kalihukan ang Tabo Hong Kabataan asa bida ang Butuanon ug Barangay Delicacies nga baligya lakip mga pagkaon para sa mga bata. Mahinungdanon ang pagsaulog sa kalihukan tungod mapalapad pa ang mga inisyatibo aron dali gilayon nga makuha ug mahibaloan ang katungod ug kaayohan para sa mga kabataan sa syudad. Ang month-long celebration sa National Children’s Month nag awhag og nagkadaiyang series sa activities nga nag pukos sa halapad nga awareness sa children’s rights and welfare. Ang kalihukan dunay temang "Break the prevalence, End the Violence: Protecting Children, Creating a safe Philippines".