Gisugdan na balik sa City Social Welfare and Development Department kon CSWDD ang pag implementar sa programang CARing Social Worker o Comprehensive And Responsive Integrated Program for Children at Risk para sa mga children at risk sa may Guingona Park, miaging semana. Ang programa ipahigayon matag Huwebes sa hapon. Makabaton og nagkadaiyang aktibidad ang mga kabataan. Dunay storytelling activity kalabot na sa pulong sa Ginoo ug usa ka therapeutic art session. Nalingaw sab ang mga bata tungod sa padula hatud sa mga Day Care Workers. Lakip sab ang mga personahe nag nag andam ug nag apud-apod og hot meals. Ang departamento pinaagi sa mandato ni Butuan City Mayor Ronnie Vicente Lagnada padayon nga maningkamot sa pagbuhat og nagkadaiyang lakang ug programa para sa kaayohan sa mga children at risk sa syudad.