Base sa record sa Butuan City Police Office kun BCPO, nikunhod ang case status sa Anti-Violence Against Women and Their Children Act of 2004-RA 9262, Anti-Rape Law of 1997 RA 8353, Rape with Homicide, Safe Spaces Act RA 11313, ug Act of Lasciviousness atol sa gipahigayon nga 2nd Quarter Meeting sa Special Action Committee on Anti-Criminality sa Southville Convention and Hotel sa Barangay Villa Kanangga ning syudad, miaging semana. Kung itandi ang data niadtong December 25, 2024 hangtud March 5, 2025 sa March 6 hangtud May 15 ning tuig, adunay pag kunhod sa mga case status. Sa Anti-Violence Against Women and Their Children Act of 2004-RA 9262 gikan sa 14 cases niubos kini og 10 cases, Anti-Rape Law of 1997 RA 8353 gikan sa 15 ka kaso nahimo ng og usa ka kaso, Safe Spaces Act RA 11313 gikan sa duha nahimo nalang og usa ka kaso, ug nagpabilin nga dunay usa ka kaso ang Act of Lasciviousness, apan dunay natalang isa ka kaso ang Rape with Homicide. Tungod niini, gi-engganyo ang katawhan nga mahimong mabinantayon ug ireport dayon sa kapulisan kung na violate ang tawhanong katungod para mahatagan dayon kini og solusyon. Kini nga paagi, mahimong luwas ug sensitibo ang katawhan sa syudad.