Makadawat og cash incentives ang mga Butuanong nakasakmit sa kadaugan sa 2022 Philippine International Math ug Science Olympics nga gipahigayon sa sa Henann Hotels Boracay Island Philippines bulan sa Mayo ning tuig. Kini pinasikad sa SP Resolution no. 222-2023 nga gi-aprobahan sa mga miyembro sa Sangguniang Panlungsod ug Vice Mayor Law Fortun. Ang mga Butuanon mao sila Charmagne Claire Magno ug Mercia Ann Pariňas mga Grade 7 nga estudyante sa Philippine Science High School -Caraga Region Campus. Tungod Gold Awardee si Magno sa parehong Mathematics ug Science nga kategorya sa sekondarya ug ang pagdawat niini sa Pimsolvers Cup Award nga dunay pinakataas nga score sa tanang contestant, makadawat kini og medal of academic excellence ug cash incentives nga nagkantidad og 30,000 pesos. Samtang Bronze awardee si Pariňas sa parehong Mathematics ug Science nga kategorya sa sa sekondarya makadawat sab kini og medal of academic excellence ug cash incentives nga nagkantidad og 15,000 pesos. Ang paghatag sa cash incentives sa mga talentadong kabataan pinasubay sa SP Ordinance no. 5380-2017 nga giaprobahan ni Mayor Ronnie Vicente Lagnada pinaagi sa City Education Literacy and Scholarship Office CELSO aron makapadasig sa mga kabataan nga maningkamot sa bisan asang salmutan nga kompetisyon. Gipangunahan ang pagpangamahan sa SP resolution ni Konsehal Joseph Omar Andaya uban nila Cromwell Nortega, Rey Desiata, Cherry May Busa ug Cynth Zephanee Nietes.