Midawat og tag 5,000 pesos ang usa ka libong Butuanon sa Ayuda sa Kapos ang Kita Program kun AKAP atol sa nationwide payout sa AKAP ng Pangulo Serbisyo Sapat Para sa Lahat adtong Setyembre 13 nga natigayon sa Philippine Science High School Caraga Region Campus. Wala magdahum ang 1000 ka beneficiaries nga makadawat kini og 5000 cash nga financial assistance sa paningkamot sa Congressmans Office pinaagi ni Congressman Jose S. Aquino ll. Sumala ni Congressman Aquino kini ang ika 84 nga payout sa financial assistance katambayayong ang lokal nga panggamhanan sa Butuan pinaagi ni Mayor Ronnie Vicente Lagnada, Department of Social Welfare Development DSWD ug liga ng mga barangay sa pagpanguna ni Liga President Gemma Tabada nga hugtanung gisuportahan sa national government aron matabangan ang katawhan sa Butuan City alang sa pang adlaw-adlaw nga galastuson labi na nagpadayon ang pagtaas sa presyo sa mga palaliton.