Gidawat na sa mga Butuanong atleta ug coaches nga nakadaug sa 2024 Palarong Pambansa ang award ug cash incentives gikan sa lokal nga panggamhanan sa Butuan kaganinang buntag atol sa natigayong Flag Raising Ceremony sa City Hall. Ang paghatag sa award ug cash incentives gipangunahan mismo ni City Councilor Joseph Omar Andaya, Committee Chairperson sa Education , City Administrator Atty. Joseph Ian Sabado ug City Education Development Department Head Rosalito Libres. Ang insentibo nga nadawat sa mga atleta gipunduhan sa lokal nga panggamhanan sa Butuan pinaagi sa City Education Development Department nga hugtanung gisuportahan sa tibook pwersa sa mga miyembro sa Sangguniang Panlungsod ug Mayor Ronnie Vicente Lagnada aron mas madasig ang mga atleta nga musangka sa bisan unsang kompetisyon.