Gipasidunggan ang mga Beteranong Butuanon atol sa paghandum sa Araw ng Kagitingan karong adlawa sa Butuan City Library ning syudad. Nagkahiusa ang tibook syudad sa Butuan sa pagpanguna sa lokal nga panggamhanan sa Butuan, regional line agencies, organisasyon ug ubang mga bisita sa paghandum sa sakripisyo sa mga bayani ug beteranong sundalo nga nakiglaban ug nagbuhis og kinabuhi alang sa kagawasan sa mga Pilipino ug sa nasud. Kini pinaagi sa paghalad og bulak sa pagpanguna sa mga opisyales sa dakbayan sa Butuan kauban ang mga Department Heads sa LGU Butuan, mga kadagkuan sa Armed Forces of the Philippines, Philippine National Police, Girl Scout ug Boy Scout of the Philippines, Philippine Veterance Affairs Office ug DILG isip pagpakita sa pinakataas nga pagtahod sa kabayanihan sa tanan nga padayong nakigbisog alang sa kaayuhan ug kagawasan pinaagi sa tradisyunal nga 21 gun salute. Ang kalihukan gipangunahan sa City Tourism and Cultural Affairs Department.