Mi gradwar na ang baynte sinko ka benepisyaryo sa pagbansay sa Shielded Metal Arc Welding NC I nga gipahigayon miaging Pebrero 23, ning tuig sa DOP Bldg. Government Center, Tiniwisan, ning syudad. Gipailawom sa trentay siete ka adlaw nga training ang mga benepisyaryo. Midawat ang mga benepisyaryo og Certificate of Completion. Daku ang pasalamat sa mga benepisyaryo sa gihatag nga higayon sa ila nga makabaton og bag-ong skills nga siguradong magamit nila o makahatag sa ila og trabaho aron sab mapa usbaw ang ilang panginabuhian. Nahimong posible ang pagbansay tungod sa Special Training for Employment Program kon STEP nga programa sa Technical Education and Skills Development Authority kon TESDA ug katambayayong ang Butuan City Manpower Training Center sa paghatag sa pagbansay sa mga benepisyaryo. Mi-abiso ang BCMTC sa mga buot mo enroll sa nasangpit nga training nga mamahimong muadto sa buhatan sa may DOP Building, Barangay Tiniwisan, ning syudad o di kaha contact sa numero 09306383901 alang sa dugang impormasyon.