Nangunay si Coach Tom Byer sa pagtudlo sa unom ka bata nga nag edad tres, sais ug siyete anyos atol sa Football Starts at Home Program Launching sa Las Nieves Hall, Almont Inland Resort, miaging semana. Gitudloan ni Coach Byer ang mga bata og basic nga pag control sa bola gamit ang tiil ug aktibo sab kining gisundog sa mga bata. Si Coach Tom Byer usa ka former professional soccer player nga taga New York ug naka base sa pagkakaron sa Tokyo, Japan. Anaa ang presensya sa mga coaches, ginikanan, mga magtutudlo, players sa football ug mga bata. Ang aktibidad gipangunahan sa Butuan Agusan Norte Football Association kun BANFA kauban ang Philippine Football Federation kun PFF.