Nag display karon ang managlahing kompanya sa mga basic and prime commodities sa Cityhall Lobby sa J.Rosales Street Butuan City. Kini atol sa gipahigayong Diskwento Caravan nga gipangunahan sa City Economic and Business Development Department kun CEBDD kauban ang Department of Trade and Industry - Agusan Del Norte kun DTI - Agusan Del Norte. Makita dinhi ang nagkadaiyang mga kalidad nga produkto nga dunay discounted price nga anaa sa 5% to 30% o kaha naka buy one take one. Ang mga nag display mao ang distributors ug suppliers sa syudad sa Butuan nga gilangkuban sa Happy Enterprises and Resources Inc., D'Best Value Corp., Virginia Foods Inc., Megasoft Inc., KLM Durian Universal OPC, Wing-On Inc., Puregold Price Club Inc., ug Be Wonderful Inc. Kani nga aktibidad alayon sa programa sa DTI - Agusan Del Norte nga gihingusgan sa CEBDD para mahatod sa katawhan ang barato ug nindot nga kalidad sa produkto. Molungtad ang Diskwento Caravan hangtud ugma Hunyo 28, 2024.