Nakadawat og Incentive Awards ang mga Barangay Tanod sa 86 ka barangay sa syudad sa Butuan miaging semana sa City Hall Lobby. Kini sa pagtinabangay sa City DILG ug City Treasurers Department sa lokal nga panggamhanan sa Butuan nga hugtanung gisuportahan ni Mayor Ronnie Vicente Lagnada, Vice Mayor Law Fortun ug Sangguniang Panlungsod members. Ang paghatag sa nasangpit nga insentibo subay sa Sangguniang Panlungsod Ordinance no. 6450-2021 o ang ordinansa sa paghatag og monthly performance incentives sa mga barangay tanod sa Butuan City asa apil usab niini ang paghatag sa performance incentive awards sa tanang Barangay Tanod sa syudad sa Butuan. Alang sa mga Barangay Tanod daku kining tabang kanila ilabina sa pang adlaw-adlaw nga panginahanglan sa panimalay ug pagsugat sa bag ong tuig.