Gipailawom sa duha ka adlaw nga Orientation of Preparation for Certificate of Live Birth ang mga Barangay Secretary, Hospital ug Clinic Clerks sa VCDU Villakanangga Convention Hall, miaging semana. Tumong niini nga malikayan ang ginagmay nga sayop sa pagbuhat sa Certificate of Live Birth ug dili mahimung rason sa dagko nga error sa kliyente sa umaabot. Nahatagan og higayon ang mga partisipante sa pagpangutana ug clarify kalabot sa proseso ug gitubag sab kini sa taga City Civil Registrar Office. Alang kang Perly Dagani nga taga Barangay Mahogany, daku kaayo og tabang ang seminar para sa mga Barangay Secretary nga sama niya aron ma-refresh ang ilang huna-huna kung unsaon ang insakto nga proseso sa pagbuhat og Certificate of Live Birth labi pa nga daghan sab silay gibuhat nga paper works sa Barangay.