Gisamultan sa mga piling personahe ug opisyales sa barangay sa Butuan City ang Barangay Development Planning roll-out sa Butuan City nga gi tunga sa upat ka batches ang 86 ka barangay sa syudad. Gisugdan na sa mga barangay ang pag-andam sa pagmugna sa Barangay Development Plan kon BDP. Ang BDP usa ka komprehensibong pagplano sa tanang aspeto aron na sa mas lambo nga komunidad. Sa BDP makita ang mga programa, proyekto ug kalihukan sa barangay nga sulod sa multi-sectoral nga plano para sa barangay. Ang BDP ang magsilbi nga opisyal nga giya sa barangay sa paghimo og mga desisyon alang sa kaayohan sa tanan. Gilangkuban sa plano ang social, economic, ug physical development diin gilangkuban kini sa edukasyon, panglawas, panginabuhian, imprastraktura, kalinaw ug kaluwasan, ug uban pa. Sa proseso sa paghimo niini, gi-ila una ang mga panginahanglanon sa komunidad lakip ang mga oportunidad ug hulga nga posibleng makaapekto sa kalambuan. Gisiguro sab nga ang pagplano para sa BDP usa ka inklusibo ug participatory process, asa giapil ang mga sektor sa barangay sama sa mga kababayen-an, kabatan-onan, senior citizens, ug mga PWDs aron masiguro nga ang ilang mga tinguha ug prayoridad maapil sa plano. Ang kalihukan gipangunahan Butuan City - Department of the Interior and Local Government kon DILG. Sila ang naghatag ug nagtudlo sa insaktong porma ug implementasyon sa BDP. Pinaagi niini, masiguro nga ang mga barangay makab-ot ang ilang mga tumong pinaagi sa klaro ug organisadong paagi. Gitunga sa upat ka batches ang 86 ka barangay asa nagsugod ang Batch 1 miaging Hunyo 17, 18, ug 19; ang Batch 2 nagsugod og roll out Hunyo 18, 23, ug 24; samtang ang Batch 3 nag magsugod sa Hunyo 25, 26, ug 27; ug ang Batch 4 sugdan pagka Hunyo 27 ug Hulyo 1 ug 2, 2025.