Gipahigayon ang Barangay Anti-Drug Abuse Council (BADAC) Conferment of Awards, miaging semana sa may Grand Palace Hotel, ning syudad. Gihatagan og pasidungog ang mga barangay sa ilang outstanding ug high functional drug abuse council ug sa pagpabilin sa ilang barangay nga drug-free. Nakadawat sila og Plaque of Recognition ug Cash Incentives. Ang paningkamot ug kalampusang nakuha sa mga Punong Barangay, Lupon members, ug Barangay Secretary tungod sa hugtanong pagpatuman sa mga nagkadaiyang best practices, programa, ug proyekto sa barangay. Daku ang kontribusyon sa mga Barangay Personnel sa kalampusan gumikan sa ilang pahinungod sa paghatag og importansya sa tahas kanila sa ilang mga Punong Barangay. Nahatagan sab og Plaque of Recognition ang tulo ka barangay para sa Special Award: Most Successful High Impact Anti-Drug Negation Operation Assisted by an Elected Barangay Official ang Barangay Golden Ribbon, Barangay Libertad, ug Barangay Doongan.