Pormal na nga nanumpa ang mga bag-o ug mga re-elected nga opisyales sa lokal nga panggamhanan sa Butuan kagahapong adlawa sa may FSUU Gym, ning syudad. Unang nanumpa ang mga miyembro sa 17th Sangguniang Panlungsod. Kini gilangkuban nila Councilors Marlon Labis, TG Salcedo, Engr. Ronaldo Montero, Atty Dendo Udarbe, Atty Clint Dabalos, Arturo Gado, Atty Dennis Bacala, Victor Vicente Plaza, Carlo Sanchez, Atty Rema Burdeos, Ferdinand Nalcot ug Atty Glenn Carampatana. Sunod nga nanumpa ang bag-ong bise mayor sa syudad nga si Vice Mayor Reynante Desiata. Mipadayag usab og menseha si VM Rey, nga padayon ang serbisyo ug programa para sa tanang Butuanon. Ang nasugdan nang plano ipadayon ug uban siya sa tanang Butuanon sa paglawig. "As the Presiding Chair of 17th Sangguniang Panlungsod, I step into the role with the firm resolve to lead the council but listen with compassion, deliberates with wisdom, and legislate with vision" tipik sa mensahe ni Vice Mayor Rey Desiata. Sunod nanumpa si Lone Congressional District Hon. Jose Aquino II. Gipaabot ni Congressman Aquino, nga padayon siya nga mahimong tulay sa nasyunal ug lokal aron padayon nga mahatud sa nasyunal ang mga serbisyo alang sa syudad sa Butuan. "And now let me address our people, our constituents, who belive in us and walk with us, rest assured nga kung unsa ang mga gwapo nga programa sa kaulohan kining tanan atong dal-on sa Butuan. Atong ipadayon ang serbisyo nga insakto, matinud-anon ug kinasing kasing na serbisyo nga patas ug walay gipili." sumala pa ni Congressman Jose Aquino II. Ulahing nanumpa ang bag-ong napiling Mayor sa syudad nga si Mayor Lawrence Lemuel Fortun, kauban ang iyang pamilya. Ang nag administir sa Oath mao si Liga ng mga Barangay President Gemma Tabada. Sa iyang mensahe, gipadayag niini ang mga plano, serbisyo, ug programa para sa tanang Butuanon. "We are simply entering a new lap, scaling new heights, and writing the next exciting chapter of Butuan's transformation. Building on this foundation and legacy it is now my responsibility to define the leadership I offer, a governance shape by value, I have nurtured, through years of public service, advocacy, and civic works." tipik sa mensahe ni Mayor Lawrence Fortun. Ang kalihukan gitambongan sa mga opisyal sa barangay, mga partner agencies, Regional Line Agencies, academe, nagkadaiyang sektor, student leaders ug uban pa. Uban sa mga opisyales ang ilang mga kapamilya, ug kauban sa buhatan. Karong adlawa, ang unang adlaw sa ilang panglingkod sa katungdanan.