Pormal nga gi turn-over sa lokal nga panggamhanan sa Butuan sa pagpanguna ni City Education Development Department Acting Department Head Rosalito Libres ang mga bag-ong teknolohiya ngadto na sa DepEd Butuan City Division atol sa Gawad Galing at Talino, sa Robinsons Place Butuan miaging semana. Mismong si DepEd Butuan City Division Superintendent Dr. Minerva Albis ang midawat sa bag-ong teknolohiya. Bainte otso ka eskwelahan ang makagamit sa mga bag-ong teknolohiya nga gihatag sa LGU Butuan nga gilangkuban sa 27 ka unit sa Smart TV 75 Inches, 40 ka unit sa Laptop ug 80 ka unit sa Samsung Tablet. Ang mga items dakung tabang sa mga eskwelahan alang sa mga operasyon nga ilang buhaton. Suportado sa LGU Butuan pinaagi sa CEDD ang mga kinahanglan sa mga magtutudlo aron mahatag ang kalidad nga edukasyon sa mga bata sa syudad.