Gidawat na sa mga residente sa Lingap Center ug Bahay Pag-Asa ang mga bag-ong personal nga kagamitan gikan sa City Government of Butuan pinaagi sa City Social Welfare and Development Department kon CSWDD. Gikalipay sa mga residente ang gipanghatag nga brand new nga sapatos, sanina, school uniforms, underwear, tsinelas ug uban pang personal nga gamit nga makatabang sa ilang pang adlaw-adlaw nga panginahanglanon. Ang mga bag-ong gamit ilawom sa programa sa CSWDD para sa mga residente sa Lingap Center ug Bahay Pag-Asa. Padayon ang lokal nga panggamhanan nga tabangan ug tagaan og kalidad nga serbisyo ang matag residente nga makapa-usbaw sa ilang moral isip katawhan sa syudad.