Pormal nang nanumpa ang mga bag-ong napili nga Board of Trustees sa Butuan City Provident Fund o BCPF kang Mayor Ronnie Vicente Lagnada kagahapon sa City Mayors Office. Ang mga bag ong napiling Board of Trustees sila Mila Busico sa City Budget Office, Nelsa Auron sa Public Information Office, April Benjamin Magtoto ug Rheyconn Lumain nga parehong gikan sa City Human Resource Management Office. Ang Butuan City Provident Fund dunay kapin 600 ka miyembro asa mga permanent employee, coterminous ug elected officials sa lokal nga panggamhanan sa Butuan diin obligadong mohatag og binulan nga kontribusyon nga nagkantidad sa 300 pesos. Ang mga myembro niini dunay benipisyong makaloan sa pondo nga natigum sa asosasyon apan magdepende ang kantidad nga maloan sa net take home pay sa miyembro. Nagpasalamat ang mga bag-ong Board of Trustees sa BCPF sa gihatag nga pagsalig kanila sa mga myembro sa asosasyon. Si Mila Busico mao ang chairperson samtang si Hernando Curilan Jr. sa City Treasurers Office mao ang Vice Chairperson sa BCPF.