Tagsa-tagsa nga nipaso ang mga atleta ug coaches nga nagpakitang gilas sa bag-ohay lang nahuman nga Caraga Regional Athletic Games kun CRAG. Gidawat nila mismo ang medal ug incentives gikan sa lokal nga panggamhanan sa Butuan. Sa Individual Gold 5,000 pesos, Silver 3,000 pesos, ug Bronze 2,000 pesos, samtang ang Team nga makakuha og Gold nakadawat sab og 60,000 pesos, Silver 30,000 pesos ug Bronze 20,000 pesos. Gawas sa mga atleta, duna sab nadawat nga certificate ug insentibo ang mga coaches. Ang recognition nga gihatag sa lokal nga panggamhanan sa Butuan pinaagi sa City Education Development Department kun CEDD ug DepEd Butuan butang nga makapadasig sa mga atleta para mopadayon sa ilang gipiling isports.