Gihisgutan sa gipahigayong 2nd Quarter Meeting sa City Cooperative Development Council kun CCDC ang umaabot nga mga aktibidad sa managlahing kooperatiba sa syudad. Kini napahigayon sa Conference Room, Jose C. Aquino Sr. Multi-Purpose Building, Sports Complex, sa Barangay Libertad ning syudad. Gihisgutan sa panagtigum ang umaabot nga aktibidad sa kooperatiba nga International Cooperative Day Celebration, Coop Sports Fest, ug Cooperative Month 2025 nga ipahigayon karong bulan sa Oktobre. Kamulo ang ilang pag pangandam para mapakita ug masuportahan ang mga kooperatiba hilabi na ang mga bag-o nga nahimong kooperatiba, gagmay nga kooperatiba ug kadtong dunay plano nga magtukod og kooperatiba. Gawas sa mga dagko nga aktibidad, gihisgutan sab ang update sa council membership fee, status report sa Koop Kapatid Program ug Adopt-a-Government Space Program sa City Tourism, and Cultural Affairs Department kun CTCAD. Suportado sa lokal nga panggamhanan sa Butuan ang nahimong quarter meeting sa CCDC pinaagi sa CEBDD para ipakita ang dakong suporta sa mga kooperatiba sa syudad sa Butuan. Nanguna sa quarter meeting si CCDC Chairperson Edgar Palarca Jr., uban ang City Economic and Business Development Department kun CEBDD.