𝗠𝗚𝗔 𝗔𝗛𝗘𝗡𝗦𝗬𝗔 𝗦𝗔 𝗚𝗢𝗕𝗬𝗘𝗥𝗡𝗢 𝗦𝗨𝗣𝗢𝗥𝗧𝗔𝗗𝗢 𝗔𝗡𝗚 𝗩𝗔𝗖𝗖𝗜𝗡𝗘 𝗦𝗨𝗣𝗣𝗟𝗘𝗠𝗘𝗡𝗧𝗔𝗟 𝗜𝗠𝗠𝗨𝗡𝗜𝗭𝗔𝗧𝗜𝗢𝗡 𝗔𝗖𝗧𝗜𝗩𝗜𝗧𝗬 𝗦𝗔 𝗗𝗘𝗣𝗔𝗥𝗧𝗠𝗘𝗡𝗧 𝗢𝗙 𝗛𝗘𝗔𝗟𝗧𝗛
June 02 2023, Friday 10:40 AM
Nagpahigayon og libreng pabakuna ang DPWH Butuan City District Engineering Office sa pakigtambayayong sa Barangay Dagohoy Health Center.
Nabakunahan ang mga anak, apo, ug paryente sa mga opisyales ug mga empleyado sa BCDEO nga misanong sa panawagan sa nasangpit nga ahensya.
Hingpit nga gisuportahan sa mga ahensya ang nasudnong kampanya sa Department of Health ngadto na sa Measle, Rubella, and Oral Polio Vaccine Supplemental Immunization Activity kon MR-OPV SIA.
Anaa sa 115.89% ang nabakunahan sa Measles-Rubella ug 113.975% ang nabakunahan na sa Oral Polio Vaccine sa syudad sa Butuan, as of May 23.
Gikalipay ni Butuan City Mayor Ronnie Vicente Lagnada ang taas nga porsyento sa mga nabakunahan sa kwalipikadong bata sa syudad. Gani, hingpit nga gitutukan sa mga health workers ang pagbakuna sa mga bata sa syudad basi na sa mandato ni Mayor Lagnada aron halapad ang ihap nga mahatagan og proteksyon batok na niini nga mga sakit.
Kagahapon ang ulahing adlaw sa kampanya sa Chikiting Ligtas.
NEWS ARTICLES