π ππ πππ₯ππ ππ₯π§ ππ¨π¬ππ₯π¦ π¨π π ππ π©ππ‘ππ’π₯π¦ π¦π ππππππ¬ππ‘, πππ£ππ¦πππ’π§ π¦π πππ₯πππ’π’π¦π§ π£π₯π’ππππ§
January 25 2024, Thursday 08:35 AM
Subling gipasabot sa City Agriculture ug Veterinary Department ang mga Agrimart Buyers lakip mga Vendors sa Tabuan area ug gikan sa pipila ka merkado sa mga barangay ning syudad sa Butuan mahitungod na sa Agriboost Project miaging semana.
Kini aron mas mapalawman pa ang panlantaw sa mga vendors kabahin sa proyekto nga mamahimong tinubdan padulong sa pag uswag sa tagsa-tagsang kahimtang.
Ang mga vendor sa Baan 3 Talipapa nga sila Mary Jean Aldion ug Isan Cutamora nagpasalamat nga niabot ang Agriboost Project. Kini tungod namugna ang Agrihub asa makapamalit na sila nga mga vendor og gulay sa ubos nga presyo. Mas nabati ug nadugangan na ang ilang mga kita sa pagpaninda og gulay.
βSa karon sukad nga naay Agrihub Facility nakabarato nami unya presko ug barato pa gyod unya x3 na among kita kay makabulto naman mig pangumpra. Unya makabaligya napod mi sa among suki og barato kay napalit man sab namo nga barato mao nang pasalamat mi nga naay Agrihub,β pahayag ni Isan Cutamora, Vendor sa Baan 3 Talipapa.
Ang mag-uuma ug vendor nga si Lydia Aparre ga supply na kini og gulay, prutas ug panakot sa usa ka dakong mall sa syudad. Mapasalamaton sab kini sa Agrihub Facility tungod duna na kini insaktong kakuhaan og supplies sa mga gulay nga preskong madeliver usab sa mall nga baligyaan niini.
βKaron nga naay Agriboost daku kaayo og tabang sa amo kay na facilitate na ang mga produkto ug commodity nga among gi-order kung unsay akong gi-order naa na igo nalang mi sa pagbayad mao nang pasalamat mi nga naay Agriboost. Gawas niana mas nidako na among kita kung sauna ΒΌ lang karon naa nas katunga.β Sumala ni Lydia Aparre, mag-uuma ug vendor.
Samtang ang vendor sa Barangay San Vicente nga si Mila Cuenca nadugangan na og mga prutas ang gibaligya niini sa iyang pwesto nga kaniadto gabaligya lamang kini og gulay. Tungod nakapamalit na siya og baratong gulay sa Agrihub Facility hinungdan nga mitaas usab iyang kita.
Gitudlo sab sa mga partisipante ang proseso sa gamitong application sa pag order og supply nga gulay aron mas gaan ug sayon kanila ang pagkuha sa mga supply sa gulay gikan sa mga mag-uuma.