Nagpadayon ang pagpaabot sa mga nagkadaiyang serbisyong medical ngadto na sa mga residente nga sakop sa Ampayon Health District. Gani gidala sa mga personahe sa Ampayon Health District ang medikal ug dental nga konsultasyon sa Barangay Baobaoan ning syudad. Niabot sa 69 ka residente ang nagpa konsulta; 50 ka indibidwal ang nagpa ibot og ngipo; 90 ka tawo ang mipahimulos sa libreng Laboratory; ug napulo ka mga kababayen-an ang mipailawom sa Family Planning pinaagi sa Subdermal Implant. Ang MOVES gilangkuban sa mga nagkadaiyang serbisyong medikal ug dental nga gitanyag alang sa mga residente sa syudad sa Butuan. Hingpit nga gitutokan sa Lokal nga Panggamhanan sa pagpanguna ni Butuan City Mayor Ronnie Vicente Lagnada ang paghatag og mga serbisyo sa tanang Butuanon.