Pormal na nga gilusad ang Balangay Independent Film ug Theater Art Festival Competition sa natigayong Media Launch miaging Biyernes sa SP Building Conference Room ning syudad. Ang nasangpit nga kompetisyon usa ka paghandum ug pagdayeg sa kamahinungdanon sa kultura ug kasaysayan sa Butuan City pinaagi sa pagmugna ug pagpakita sa talagsaong talento pinaagi sa art form cinema ug theatrical production. Paagi sab kini aron masuportahan ang local creatives pinaagi sa pagmugna og short films asa usa sa mechanics sa paghimo sa film ug theatrical production mao ang pagpakita sa turismo ug kultura sa dakbayan sa Butuan. Ang kompetisyon pwedeng salmutan sa mga local creatives sa rehiyon sa Caraga. Sundon lang ang mechanics nga nakapost sa Butuan City PIO FB Page. Aktibong gisalmutan sa mga Media Professional and Practitioner sa dakbayan sa Butuan ang Press Conference alang sa Media Launch. Kini sa pagpasiugda sa lokal nga panggamhanan sa Butuan pinaagi sa City Executive Management Department-Public Information Division. Ang nasangpit nga aktibidad suportado ni Mayor Ronnie Vicente Lagnada, Konsehal Cherry May Busa katambayayong ang City Tourism and Cultural Affairs Department. Suportado sab kini sa Department of Trade and Industry pinaagi ni DTI ARD Brenda Corvera isip representante ni RD Gay Tidalgo ug si Junlou Tordos Project Proponent Balangay Independent Film and Theater Festival.