𝗠𝗔𝗬𝗢𝗥 𝗥𝗖𝗟, 𝗨𝗦𝗔 𝗦𝗔 𝗠𝗚𝗔 𝗣𝗔𝗡𝗘𝗟𝗜𝗦𝗧 𝗦𝗔 𝗕𝗟𝗢𝗢𝗠𝗕𝗘𝗥𝗚 𝗖𝗜𝗧𝗬𝗟𝗔𝗕 𝗦𝗔 𝗠𝗘𝗫𝗜𝗖𝗢
October 22 2024, Tuesday 11:08 AM
Nahimung usa sa panelist si Mayor Ronnie Vicente Lagnada sa ikaduha nga adlaw sa Bloomberg CityLab sa Mexico. Kauban niya ang duha ka Mayor gikan sa Rochester Minnesota, USA nga si Kim Norton ug Mayor sa Paterson, New Jersey USA nga si Andre Sayegh. Uban niini si Juan Pablo Spinetto, Columnist sa Bloomberg Opinion, Mexico City, Mexico.
Nahisgutan ang mga ideya alang sa paglambo sa ilang mga syudad.
Usa sa mga pangutana ni Spinetto sa mga Mayor ang kabahin sa mga serbisyo nga importante alang sa sunod nga hagit sa mga Mayor sa Bloomberg Philanthropies ug kung asa sila kinahanglan mag-focus.
Gisaysay ni Mayor Lagnada ang bahin sa ekonomiya sa Butuan. Gibutyag niini nga human sa walo ka tuig, ang syudad nakapa-uswag sa ekonomiya gikan sa 2.4% niabot na sa 8% karon, nga mas labaw pa sa national average nga 5.5%.
Pinaagi niini, tutukan ang mga programa sa social services labi na sa edukasyon, health, environment sama sa mga programang clean ug sustainable nga mga proyekto. Pinaagi usab sa City Development Plan, tutukan ang mga imprastruktura, labi na sa mga utilities, pagpauswag sa tubig ug kuryente. Kining tanan mahimo uban ang lig-on nga political will.
"What will be the next big thing of the city? From the lowest economy Butuan will be the best performing economy 10 to 15 years from now. So we believe that better economy means better service,” sumala ni Mayor RCL.
NEWS ARTICLES