Tulo ka klase nga pag audit ang pagabuhaton sa City Commission on Audit team sa pagpanguna ni OIC-Supervising State Auditor IV Aileen Lumongsod. Kini ang ilang gipadayag atol sa panagtagbo sa City COA team ug ang City Government of Butuan sa pagpanguna ni Mayor Ronnie Vicente Lagnada uban nila Vice Mayor Lawrence Lemuel Fortun, SP Members ug mga Department Heads sa City Mayor's Conference Room 2. Ang 3 ka klase nga pag-audit gilangkuban sa Financial Audit, Compliance Audit, ug Performance Audit. Tinguha sa panagtagbo nga mahimong episyente og hapsay ang pagahimuon sa audit alang sa tuig 2024. Ang pag-audit mahuman sa bulan sa Marso ning tuiga. Mapasalamaton si Mayor RCL sa tanang department heads nga naglevel up rason nga mas napalambo ang tibook operations sa city government sa Butuan. Mipadayag sab sa pasalamat si Mayor RCL ug Vice Mayor Fortun sa pagsalig ug suporta sa City COA sa administrasyon. Mipasalig sab si Vice Mayor Fortun nga magpabilin ang transparensiya ug good governance sa lokal nga panggamhanan sa Butuan.