Naimbitahan si Mayor Ronnie Vicente Lagnada uban ang mga opisyales sa LGU- Butuan ug pribadong sektor sa Busan City, South Korea. Kini usa ka learning visit aron sa pagsuta unsa ang mga partnership opportunities sa urban development, smart agro-industry, ug sustainable technology solutions. Una nga gibisita sa team mao ang Busan Delta Eco City kagahapong adlawa. Bisitahon usab nila ang mga nagkadaiyang lugar nga may kalambigitan sa imprastraktura, agrikiltura, food processing ug uban pa. Kini nga pagbisita gi-organisa sa Busan Metropolitan Corporation. Nanghinaut si Mayor RCL nga daghan ang makat-unan sa pagbisita nga madala ug mahimo alang sa dakbayan.