Hugot ang suporta ni Mayor Ronnie Vicente Lagnada sa tanang programa sa Technical Education and Skills Development Authority TESDA Caraga Region. Gani kaganinang buntag misalmot kini sa natigayong Multi-Stakeholders TVET Forum nga gipangunahan ni Director General TESDA Sec. Jose Francisco Benitez sa LMX Convention barangay Libertad syudad sa Butuan. Sa forum gipahigayon usab ang ceremonial signing sa Deed of USUFRUCT DOU tali sa LGU Butuan pinaagi ni Mayor Ronnie Vicente Lagnada ug TESDA Caraga Region alang sa pagtukod sa TESDA Regional Training Center sa Barangay Pigdaulan ug pagtukod usab sa TESDA Regional Office sa Democrito O. Plaza – Regional Government Center nga anaa mahimutang sa Barangay Tiniwisan syudad sa Butuan. Kini pinasubay usab sa SP Resolution no.16-140-2025 nga giaprobahan sa tibook pwersa sa Sangguniang Panlungsod members sa pagpanguna ni Vice Mayor Lawrence H. Fortun. Dinhi mipaabot sa dakong pasalamat si TESDA Director General Benitez ug TESDA Caraga RD Florencio Sunico sa walay hunong nga suporta ni Mayor RCL sa TESDA aron padayong mapatuman ang sustainable livelihood programs sa Butuan City ug tibook Caraga Region. Ang pinirmahay gisaksihan nila City Councilor Rey Desiata committee chairperson sa urban planning and human settlements ug TESDA Caraga Regional Director Florencio F. Sunico CESO lll ug ubang opisyales.