Gitagbo ni Mayor Ronnie Vicente Lagnada ang mga Department Heads sa lokal nga panggamhanan sa Butuan alang sa Management Committee Meeting sa Inland Resort dakbayan sa Butuan. Usa-usa nga gipaminaw ni Mayor Lagnada ang accomplishment reports sa pipila ka buhatan sa LGU Butuan labi na ang mahitungod sa Projection sa Target Revenue, Budget Related Concerns, Budget Utilization Report, Procurement Related Concerns, Property and Logistics Management Activities, katuyuan sa Rationalization sa tanang buhatan aron lig-on ug hugot mapatuman ang Strategic Performance Management System sa ingon dunay direksyon ang mga empleyado sa paghatod og serbisyo sa katawhan ug uban pa. Alang kang Mayor RCL importante ang pagplano sa pagamit sa resources sa syudad aron masiguro nga nakaalign kini sa direksyon ilawom sa lima ka sektor nga gilangkuban sa development sa infrastructure, environment, social, institutional ug economics padulong sa mas progresibong syudad sa Butuan. Dinhi gidasig ni Mayor RCL ang mga department head nga ipadayon ang mga nasugdang programa alang sa mga mosunod pang henerasyon nga Butuanon.