Mitambong sa tulo ka adlaw nga 12th Asian Smart City Conference si Butuan City Mayor Ronnie Vicente Lagnada nga gipahigayon sa Yokohama North, Yokohama, Japan. Nagsugod ang conference Nobyembre 13 hangtud karong adlawa. Ang Asian Smart City Conference na-establish tuig 2012 asa gitapok ang mga representante gikan sa Asian cities, national governments, international organizations, academic institutions, ug private companies nga nagtumong sa paghisgut sa katumanan sa sustainable city asa ang pag-uswag sa ekonomiya ug paborableng urban environment magkauyon. Ang tulo ka adlaw nga conference nagpakita sa business matching opportunities ug kahibalo sa mga smart city solutions. Isip kabahin sa conference, usa ka ADBI-DB joint session ang himuon sa topic nga “City Management toward Achieving Carbon Neutrality” sa konteksto nga development sa smart cities. I-highlight sab sa session ang policy recommendations sa pagtukod og climate-resilient ug zero-carbon nga mga siyudad taliwala sa mga representante sa ADB member nga mga nasud, city governments ug akademya alang sa pagkab-ot sa decarbonization ug sa Sustainable Development Goals. Naimbitahan sa conference si Mayor Ronnie Vicente Lagnada pinaagi sa ASEAN-JAPAN Center. Samtang naimbitahan sab sila Cabadbaran City Mayor Judy Amante ug Bayugan City Mayor Kirk Asis pinaagi sa Asian Development Bank.