Naimbitahan si Butuan City Mayor Ronnie Vicente Lagnada isip usa sa mga panelists sa Global Mayors Challenge Forum sa Bloomberg CityLab 2024 nga nagsugod adlawng Lunes hangtud ugma sa Mexico City. Mag convene sa nasangpit nga kalihukan ang kapin sa 500 ka Mayors ug leading policymakers, innovators ug creatives. Pinaagi sa mga panel discussions, one-on-one interviews, interactive breakout sessions, artistic performances ug excursion sa Mexico City, ang summit motuki sa mga solusyon nga gihulma sa mga city hall sa tibuok kalibutan nga andam sa pag re shape sa mga nasud. Tuig 2022, si Mayor Lagnada lang ang nag inusarang gikan sa Southeast Asia nga naimbitahan sa City Lab sa Amsterdam asa natigayon ang meeting sa mga City Mayors nga nag innovate sa mga syudad. Miaging tuig naimbitahan pag usab ang opisyal sa City Lab Washington, DC.