Naimbitahan sa formal investiture ceremony sa bag-ong University President sa Father Saturnino Urios University kon FSUU ang lokal nga panggamhanan sa pagpanguna ni Mayor Ronnie Vicente Lagnada. Gi welcome sa kadaghanan hilabi sa urian community ang bag-ong University President nga si Rev. Father Randy Jasper Odchigue. Si Rev. Fr. Odchigue ang ika-duhang University President ug ika-trese nga Presidente sa institusyon. Gipulihan ni Rev. Fr. Odchigue, si Rev. Father John Christian Young, nga 21 ka tuig miserbisyo sa unibersidad. Tipik sa mensahe ni Mayor Lagnada ang pagpahayag sa iyang pasalamat kang Rev. Father John Christian Young sa walay puas nga suporta nga gihatag sa unibersidad pinaagi sa iyang liderato ngadto na sa mga programa, proyekto, ug serbisyo sa lokal nga panggamhanan. Dugang ni Mayor Lagnada nga padayon ang hugot nga suporta ug pakigtambayayong sa lokal nga panggamhanan ngadto na sa unibersidad ug kang Rev. Father Odchigue, isip bag-ong university president.