Misalmot si Mayor Ronnie Vicente Lagnada sa selebrasyon sa ika 17th Philippine National Health Research System Week nga gipahigayon sa Almont Inland Resort ning syudad sa Butuan nga may temang Leveraging Global Networks in Advancing the National Health Research System. Garbo sa city government sa Butuan pinaagi ni Mayor Lagnada nga natigayon ang aktibidad sa syudad tungod usa kini sa panagtagbo sa mga ahensya nga gilangkuban sa health researchers, policymakers, partners ug stakeholders aron sayron ug sabton ang mga programa, best practices ug bag-ong inobasyon nga dunay dakong epekto sa panglawas sa mga Pilipino. Subay niini, nagpasalamat si Mayor Lagnada sa tanang nagpaluyo sa aktibidad labi na sa DOST, DOH, CHED, UP Manila ug ubang partner agencies ug stakeholders. Atol sa plenary session usa-usang gipresentar ni City Planning Development Department Acting Head Engr. Iris Joy Canete-Galaura isip representative ni Mayor Ronnie Vicente Lagnada ang Smart Health Initiatives for a Smarter City. Gipakita niini ang padulngan sa syudad subay sa Unom ka Development Imperatives nga gilangkuban sa Accelerate Infrastructure Development, Build Sufficient Logistics Infrastructure and Utilities, Create Strategic Plans and Responsive Policies, Adopt Smart Technologies, Improve Market and Investment Climate ug Enhance Revenue and Expand Social Services ug alayon sa upat ka Governance Safegurads nga gilangkuban sa Value-Based Vision-Driven Leadership, Adopted and Responsive Organizations, Collaboration with Various Development Partners o Partnership ug ang Financial Health Leadership. Gisiguro ni Mayor Lagnada ang pagbaton sa Butuan City sa lig-on ug kalidad nga serbisyo pinaagi sa pagpalambo sa health care services, pagpanindot sa kadalanan aron sayun na makasulod ang mga investors nga muhatag og panginabuhian sa tanan. Lakip sab dinhi ang maayong pagdumala sa pondo sa panudlanan sa gobyerno subay sa insaktong plano ug long term projects ug programa alang sa maayong kaugmaon sa mga Butuanon nga bisan ang mga mosunod nga henerasyon makapahimulos pa niini.