Pormal nga gitunol ni Butuan City Police Office City Director PCOL Marco Archinue kang Konsehal Ehrnest John Sanchez ang Plaque of Appreciation gikan kang Chief PNP BGen Rodolfo Azurin Jr. alang kang Mayor Ronnie Vicente Lagnada, adlawng Huwebes. Kini isip pasalamat sa padayong suporta sa LGU Butuan sa pagpanguna ni Mayor Lagnada sa mga programa sa kapulisan nga KASIMBAYANAN Program. Ang KASIMBAYANAN Program nagtumong sa pagpakusog sa relasyon sa kapulisan tali sa komunidad ug simbahan. Daku ang nahimong papel sa LGU-Butuan sa pagpaabot sa programa sa mga ka barangayan sa syudad. Tungod sa padayon nga suporta sa LGU-Butuan, timaan lamang kini nga hiniusa ang tumong nga panglantaw sa PNP ug LGU nga hapsay ug luwas nga syudad alang sa mga Butuanon.