Misalmot si 𝗠𝗮𝘆𝗼𝗿 𝗥𝗼𝗻𝗻𝗶𝗲 𝗩𝗶𝗰𝗲𝗻𝘁𝗲 𝗟𝗮𝗴𝗻𝗮𝗱𝗮 sa 𝗚𝗹𝗼𝗯𝗮𝗹 𝗖𝗶𝘁𝗶𝗲𝘀 𝗦𝘂𝗺𝗺𝗶𝘁 nga giorganisa sa 10th Bloomberg CityLab sa pagpanguna sa Bloomberg Philanthropies nga gipahigayon sa Washington D.C , Oktubre 18-20. Kini sa pagtinabangay sa Aspen Institute asa misalmot ang 500 mayors, leading urban ug civic leaders nga mga policy makers ug creatives sa tibook kalibutan. Ang tanang mayors muagi sa panel discussion, one on one interviews, interactive breakout sessions, artistic performance, excursion sa mga unique nga destinasyon sa Washington D.C ug ang key events alang sa mga mayors ug local officials. Dinhi makita ang dakong epekto sa panag-uban sa tanang syudad nga maghinatagay ug mu-explore og bag-ong mga ideya apil na ang pagmugna og mga solusyon sa urban interventions nga magamit alang sa maayong kaugmaon sa matag syudad. Usa sab nga gitan-aw nga prinsipyo sa Bloomberg CityLab ang pagkab-ot sa global nga epekto pinaagi sa pagpakita sa importansya sa nagkadaiyang inobasyon nga magsugod sa local level basi sa pag hinatagay og solusyon. Kahinumdumang midaug ang Butuan City sa 2021 Bloomberg Philanthropies Global Mayors Challenge asa nahimong entry niini ang agriboost project nga nagtutok sa food self sufficiency pinaagi sa pagpadako sa vegetable production sa syudad sa Butuan. Isip kabahin sa pagpatuman sa agriboost project sa syudad daghang agihan nga mga inobasyon, palisiya ug shared ideas ang gikinahanglan gikan usab sa mga policy makers ug creatives sa tibook kalibutan aron mas bug-at ug lig-on nga maangkon sa Butuan City ang malungtarong proyekto pinaagi sa Agriboost Project asa unang makabenipisyo niini ang mga mag-uuma, vendors ug konsumador.