Nahimong malampuson ang panagtagbo sa mga miyembro sa Vice Mayors League of the Philippine uban ni Butuan City Mayor Ronnie Vicente C. Lagnada sa Mayors Fellowship Night kagabie Abril 11 sa Almont Inland Resort ning syudad sa Butuan. Dakong bintaha ang natigayong panagtagbo sa mga opisyales aron personal nga makahisgut-hisgut sa mga kalambuan sa public service ug bag-ong oportunidad apil na ang pagbinayloay og ideyas labi na sa hisgutanag long term projects. Subling nagpasalamat si Mayor Lagnada sa VMLP nga gihimong venue ang Butuan City sa aktibidad. Alang niini garbo sa syudad nga nakahost sa susamang kalihokan tungod sa positibong impact niini sa ekonomiya sa Butuan ug sa tibook rehiyon. Gidayeg ug gipasalamatan si Mayor Lagnada sa mga miyembro sa VMLP sa suporta niini sa kalihokan ug nahimong major sponsor. Kini nga kalihokan kabahin sa 28th National Convention of the Vice Mayors League of the Philippines nga gisalmutan sa mga bise mayor gikan sa lain-ling munisipyo ug syudad sa nasud.