Nahimung sentro sa natigayong onsite planning workshop sa City Hall Conference Room 2 ug sa Grand Palace Hotel and Convention Abril 17 ug 18 ang mga masterplan sa mga prayoridad nga proyekto. Gipangunahan kini sa Department of Human Settlement and Urban Development kun DHSUD ang duha ka adlaw nga Planned City Extension kun PCE Onsite Planning Workshop. Kini aktibong gisalmutan sa mga Planning Officers sa nagkadaiyang buhatan sa lokal nga panggamhanan sa Butuan aron sa pagtinabangay nga makamugna og mga istratehiya ug concept plan o Planned Unit Development nga haum sa Comprehensive Land Use Plan. Kini alang sa himuong master plan sa bag-ong University Town sa Barangay Tiniwisan padulong Barangay Ampayon, Special Economic Development Zone sa Barangay Taguibo ug ang Taguibo Agro-Industrial Zone asa usa sa mga prayoridad nga proyekto ni Mayor Ronnie Vicente Lagnada. Ang DHSUD mao ang primary national government entity nga responsable sa pagdumala sa housing, human settlements ug urban development. Kini usab ang ahensya nga mutabang sa mga local government unit sa pagbuhat og framework ug guidelines sa pag establesar og malungtarong settlement areas. Hinungdan ang nasangpit nga workshop importante alang sa gi-ilang bag-ong university town ug economic zone. Sa natigayong workshop mitumaw ang mga inklusibong ideya ug stratehiya nga alayon sa development sector nga naglangkub sa enforcement sa green building strategies, availability sa water supply, integration sa renewable energy solutions, integrated transportation network, pag establesar sa green spaces, parks ug recreational facilities, equal education, promote community social diversity, enhance public safety, promote start-ups ug small businesses ug uban pa. Atol sab sa workshop gipresentar sa DHSUD ang pipila sa mga priority projects subay sa Master Plan ug Sustainable Urban Infrastructure Development nga naglangkub sa Bood Promontory Heritage Park, Business IT Park for the Caraga Region, Upgrading sa Solid Waste Management System sa Butuan City, Urban Traffic Management System ug ang Regional Government Center asa mao ang One Stop Shop regional office apil ang bag-ong sports complex. Gilantaw sab sa nasangpit nga workshop ang mga rekomendasyon, mga posibleng issues ug concerns sa komunidad, stakeholders ug uban pa. Sa kinatibuk-an sa programa ang DHSUD kapartner sa lokal nga panggamhanan sa Butuan alang sa mga umaabot nga urban development sa syudad sa Butuan.