Padayong gidasig sa lokal nga panggamhanan sa Butuan pinaagi sa City Agriculture and Veterinary Department kun CAVD ang mga market vendor sa dakbayan sa Butuan nga batunan ang recording sa puhunan ug kita o sales monitoring. Kini atol sa gipahigayong Monthly Vendors Meeting nga aktibong gisalmutan sa pipila ka market vendors gikan sa lain-laing merkado sa dakbayan sa Butuan. Gipasabot usab sa gipatumang mga palisiya sa Agrihub Facility nga gidumala sa Gawad Kalinga uban sa suporta sa mga Agriboost Coordinators sa CAVD. Tinguha sa lokal nga panggamhanan sa Butuan uban sa suporta ni Mayor Ronnie Vicente Lagnada nga magiyahan ang mga vendors sa pagdumala sa matag kita. Gipahimangnuan sab kini kalabot sa sales monitoring ug recording sa tanang transaksyon aron masayran niini ang gipadulngan sa puhunan ug kita tungod usa lamang kini sa paagi nga molambo ang kahimtang sa matag vendor sa dakbayan.