𝗠𝗔𝗡𝗚𝗥𝗢𝗩𝗘 𝗖𝗟𝗘𝗔𝗡 𝗨𝗣 𝗗𝗥𝗜𝗩𝗘 𝗠𝗔𝗟𝗔𝗠𝗣𝗨𝗦𝗢𝗡𝗚 𝗡𝗔𝗣𝗔𝗛𝗜𝗚𝗔𝗬𝗢𝗡
January 23 2025, Thursday 01:28 PM
Dungan namunit og plastic, botelya ug uban pang basura ang mga empleyado sa lokal nga panggamhanan sa Butuan ug mga representante sa matag government agencies atol sa Mangrove Clean Up Drive sa Barangay Lumbocan, kaganinang buntag.
Daghan nga mga basura ang nakolekta human gipahigayon ang clean up nga miabot sa usa ka metro kubiko.
Kini nga inisyatibo subay sa Watershed Consciousness Week aron masiguro nga limpyo ang kilid sa mga watershed.
Nanawagan sab ang buhatan sa City Environment and Natural Resources Department kun CENRD nga dili ilabay ang mga basura sa dagat, suba, o kaha sapa para dili kini mahimong hugaw ug dili maka apekto sa panlawas sa tao, hayop o ang kinatibuk-an nga sitwasyon sa kinaiyahan.
NEWS ARTICLES