Gi-aprobahan na ni Mayor Ronnie Vicente Lagnada ang pag amyenda sa probisyon sa SP Ordinance no. 5131-2016 o mas naila nga Mandatory Posting sa RA 8344 o Anti-Hospital Deposit Law pinaagi sa City Ordinance no. 6881-2023 ug ang SP Ordinance no. 5132-2016 o mas naila nga Mandatory Posting sa RA 9439 o Anti-Hospital Detention Law pinaagi sa City Ordinance no. 6882-2023. Kini nga lokal nga balaodnon namugna gumikan sa nagkataas nga kasong pagpangbalibad sa mga pasyente sa paghatag og inisyal nga medical treatment o pag atiman sa mga pasyenteng anaa sa kritikal nga kondisyon kung walay ikadeposito o advance payment ug ang pagdili sa detensyon sa mga pasyente sa hospital o medical clinic nga walay kapasidad sa pagbayad sa hospital bills. Dakung tabang ang pagpatuman sa 16th Sangguniang Panlungsod sa SP Ordinance no. 6741-2022 o mas naila nga Legislative Tracking ug Analysis asa nagtinguhang dunay saktong monitoring sa estado sa pagpatuman sa mga existing nga ordinansa tungod masayran kung kini napatuman o kinahanglang tun-an ug usbon pinaagi sa suporta ni Vice Mayor Lawrence Fortun. Nanguna sa pagpangamahan sa ordinansa si City Councilor Eduardo Gonzalez uban nila City Councilor Cherry May Busa, Victor Plaza, Rey Desiata ug Vincent Rizal Rosario.