Nagtambayayong ang mga managlahing opisina ug ahensya gikan sa LGU-Butuan ug sa Caraga sa pagpanguna sa National Commission of Senior Citizen kon NCSC aron na sa paghatud og mga serbisyo ngadto na sa mga Senior Citizen sa syudad nga gipahigayon sa 3rd Floor, SM City Butuan. Agig pagsaulog sa Elderly Filipino Week makita ang Office for the Senior Citizens Affairs kon OSCA nga nagtanyag og Issuance sa ID, PhilHealth Application, ug Social Pension Application; naa usab ang Department of Social Welfare and Development Office kon DSWD para sa pagtubag sa mga pangutana sa mga programa ilawom sa ilang ahensya. Kini hilabi na may kalabutan sa Centenarian Awards; ang Philippine Statistics Authority para na sa National ID Registration ug ePhilID Printing; naa usab ang PhilHealth para sa PhilHealth Member Registration ug KonSulTa Registration; ang DOH para sa paghatag sa mga buhaton sa Senior Citizen nga ehersisyo ug tukmang pagkaon nga kan-on; ang Technical Education and Skills Development Authority kon TESDA para sa libreng pampering services sama sa massage ug gupit; ug City Health Office para sa Pneumonia Vaccine. Duna usab bone screening nga libreng gitanyag sa mga Senior Citizen aro masusi kung aduna bay risgo sa kabukugan ang usa ka Senior Citizen. Mahinungdanon ang paghatud sa mga serbisyo sa mga Senior Citizen ug magpadayon ang paghatag niini bisan pa sa paghuman sa selebrasyon sa Elderly Filipino Week. Buot ni Mayor Ronnie Vicente Lagnada nga mahatud ang igong panginahanglanon sa nasangpit nga sektor ug dili mohunong ang LGU-Butuan sa pagtanyag ug pakigtambayayong sa mga ahensya aron muabot sa sektor ang mga serbisyo ug programa alang kanila.