Girekomenda sa mga partner barangays ug Civil Society Organizations ang mga malungtaron nga mga programa ug proyekto alang sa syudad atol sa 3rd Quarter Butuan City Development Council Sectoral Working Committee Meeting. Sumala ni Engr. Jake Bonn Dumpasan sa City Planning Development Office nga importante ang sectoral working committee meeting aron personal nga madungog ang mga ideya gikan sa mga partner nga Barangay, Civil Society Organizations ug opisina sa lokal nga panggamhanan sa Butuan alang sa pagpalambo sa serbisyo sa katawhan ug madungog usab ang mga suhestyon alang sa mga intervention sa giatubang nga problema sa komunidad. Sa sektor sa environment nakatutok ang diskusyon sa mga programa kabahin sa pagproteher sa kinaiyahan nga magsumikad sa pagdumala sa basura, solid waste technologies, pagmintinar sa kahinlo sa palibot, pagpreserbar ug proteksyon sa kalasangan ug pagpatuman sa green spaces. Sa hisgutanan sa economic sector nakasentro kini sa pagpalambo sa ekonomiya sa syudad sama sa pagpadayon sa pagpalambo sa mga kadalanan sa rural areas pinaagi sa pagpatuman sa farm-to-market road projects. Kini aron dali na sa mga mag-uuma ug negosyante sa pagbaligya sa mga abot, implementasyon sa Agriboost projects ug linkages sa oportunidad sa agribusiness, pag-establisar og operationalization sa ekonomiya o processing zones, pagpalambu sa turismo, suporta sa gagmay’ng negosyante, access sa pinansyal nga suporta ug uban pa. Sa sektor sa imprastraktura sentro sa hisgutanan ang pagsulbad sa problema sa congestion sa mga sementeryo, kakulangon sa mga classrooms sa elementarya ug sekondarya, dugang kalambuan pinaagi sa road projects ug tulay, home for the aged ug mental health facilities, disenting pabalay programs ug riverbanks, street lighting, waterways ug uban pa. Sa sektor sa Institutional, gilantaw niini ang pagpataas sa revenue, gitan-aw sab dinhi ang pagpatuman sa mga programa asa kinahanglan ang profiling sa kabarangayan aron masayran ang nag-unang kinahanglan sa katawhan, pagpalambu sa functionality sa lokal nga panggamhanan sa Butuan portal, pagsulbad sa gaps sa automation processes, systems ug mechanism. Samtang sa hisgutanan sa Social sector sentro sa diskusyon ang pagmugna og komprehensibong mental health programs ug services apil na ang pasilidad ug manpower, inventory mapping ug functionality sa VAW Desk Officers sa mga barangay, pakusgan ang womens and childrens protection, sports equipment ug facilities, pagsulbad sa problema sa mga residential nga naapektuhan sa nagkadaiyang infrastructure projects, pagsulbad sa huot nga trapiko, suporta sa mga IPs nga naapektuhan sa insurhensiya ug pagkaylap sa index ug non-index crime. Human sa diskusyon ug pagpadungog sa mga rekomendasyon ug suhestyon, pormal na nga giduso kini sa BCDC Full Council pinaagi sa BCDC Secretariat alang sa tukmang pagreview ug pag-aproba ni Mayor Ronnie Vicente Lagnada isip Chairperson sa BCDC Full Council. Ang 3rd Quarter BCDC Sectoral Working Committee Meeting gipangunahan sa City Planning Development Office kauban ang mga chairperson ug co-chairperson sa matag sektor, punong barangay ug civil society organizations sa syudad sa Butuan.