Mapasalamaton ang magtiayon sa Barangay Ampayon ning syudad human mitaas ang ilang kita tungod sa Agriboost Project. Natabangan pinaagi sa Agriboost Project sila Alberto ug Venus Laugo ug karon usa na sila sa Agriboost Champion tungod mikometar silang modeliver og gulay sa Agrihub Facility sama sa paliya, talong, pipino, alogbati ug uban pa. “Sa among paminaw nga magtiayon ok na gyod kaayo lahi ra gyod sa una. Kay sa una among baligya didto sa langihan mabawu tag gukod gukod unya ang presyo looy kaayo,” sumala ni Alberto Laugo. Nagpasalamat sab si Alberto sa mga nagdumala sa Agriboost Project tungod sa maayong kinaiya ug andam maminaw kanilang mga mag-uuma ug sa mga nadawat niining suporta sama sa abono, vegetable seeds, knapsack sprayer, plastic molts, water tank ug uban pa. Gumikan sa Agriboost Project mitaas ang kita niini gani ning bag-o lang nakapamalit na kini og materyales alang sa itukod nga bag-ong balay. “Ang sa una nga semana pinakadako na ang kapin libo swerte na kaayo karon mukabat nag tag singko mil basta di lang mafailure pag muigo ka ana mulabaw pa gyod tong pagharvest nako paliya tong milabay muabot gyod og sietemil usahay saismil.” Nanghinaut ang magtiayung Laugo nga magpadayon ang Agriboost Project aron magpadayun usab ang suporta kanilang mga mag-uuma.