Giila ug gipasidunggan sa lokal nga panggamhanan sa Butuan ang mabayanihong buhat sa usa ka kanhi CAFGU nga si MSGT Roy Ledesma Cuenca nga maisugong misukol ug nakigbatok sa mga mi-atakeng rebeldeng grupo o NPA tuig 1991 bisan paman samaran na kini. Ang gihimung paghatag pasidungog atol sa ika 82nd nga selebrasyon ug paghinumdum sa Araw ng Kagitingan ug Philippine Veterans Day asa natigayon sa Butuan City Public Library, Abril 9. Midawat og Award of Merit si MSGT Cuenca nga gitunol mismo ni Butuan City Vice Mayor Lawrence Fortun isip representante ni Butuan City Mayor Ronnie Vicente Lagnada. Tuig 1991 si MSGT Cuenca nagserbisyo isip Cadre Commander sa Citizen Armed Force Geoggraphical Unit kun CAFGU Active Auxillary Unit sa Tandag Surigao del Sur dihang gi-atake sa gatusan ka NPA ang ilang kampo. Tungod sa iyang mabayanihong buhat gihatagan og Medal of Valor si MSGT Cuenca nga nag inusarang Butuanon nga nakadawat sa nasangpit nga medal. Sumala pa kini ang pinakataas nga military honor nga gihatag sa Armadong Kusog sa Pilipinas.