Gikalipay ni Lowland AgriBoost Farmer Victor Carampatana nga nagmalampuson ang iyang unang production sa cauliflower. Gani nakadeliver na kini sa AgriHub Facility nga nahimutang sa Langihan area Van Terminal ning syudad sa Butuan. Sumala ni Carampatana wala kini magdahum nga daghan ang iyang maharvest sa iyang trial crop sa cauliflower labi na anaa kini sa lowland area. Sumala pa niini, sa inisyal pa lang nga harvest usa na kini sa milestone isip usa ka lowland vegetable farmer. Tungod sa dakung potensyal sa cauliflower production sa lowland area nadasig si Carampatana nga mas daghan pa ang maharvest nga cauliflower sa mosunod nga tulo ka bulan.