Gibida ang mga fresh locally grown vegetable alang sa bag-ong menu sa usa ka Italian restaurant – BuonGusto Bistro nga gipanag-iyahan sa usa ka Butuanon nga nahimutang sa J. Rosales Avenue likod sa City Hall ning syudad. Aktwal nga gipa ila-ila ni Rochelle Galocgoc Gambe, tag-iya sa Buongusto Bistro ngadto sa iyang mga kostumer ang Squash Lentils Soup (mashed squash, lentils, fresh tomato sauce ug parmesan cheese), Fresh Cucumber Juice (dunay ingredients nga fresh blended cucumber, whisk of lemon, pineapple to sweeten o honey), Fresh Tomato Juice (dunay ingredients nga fresh blended tomatoes, whisk of lemon ug sugar o honey) ug ang Squash Shrimp Pasta (nga dunay Tidbits of steamed squash, peeled shrimps, fresh tomatoes sauce, parsley ug parmesan cheese). Ang tanan sagol niini nga gulay gikan sa produkto sa mga mag-uuma sa syudad sa Butuan. Usa ang BuonGusto Bistro nga misuporta sa Agriboost Project sa LGU Butuan. Gani ning bag-uhay lang usa sila sa mga restaurant nga misaksi sa gipahigayong Agriboost Culinary Show sa Robinsons Place Butuan ug dinhi niya nakuha ang ideya nga mag integrate sa iyang naandang menu gamit ang fresh locally grown nga gulay. Gawas niini nakadisplay usab sa iyang restaurant ang mga abot nga mga gulay tungod sagad sa ilang kostumer dinhi nag-order niini. Ang BuonGusto Bistro unom na katuig sa industriya sa negosyo ug andam kining mosuporta sa lokal nga produkto tungod sa natural nga lami niini nga haum sa panglasa sa mga Butuanon. Mismong ang mga konsehal sa syudad nga sila City Councilor Cherry May Busa, Cromwell Nortega, Vincent Rizal Rosario ug Rey Desiata ang nakatilaw sa bag-ong gitan-yag nga menu sa restaurant.