Nanguna ang Lokal nga Panggamhanan sa Butuan sa paghandum sa ika-127th Rizal Day kaganinang buntag sa Guingona Park. Naghalad og bulak sa monumento ni Dr. Jose Rizal ang mga opisyal sa dakbayan sa Butuan, regional line agencies, kapulisan ug kasundaluhan lakip na ang Freemasons of the Philippines & Appendant bodies ug uban pang mga organisasyon. Sa mensahe ni Vice Mayor Lawrence Lemuel Fortun gihatagan og gibug-aton niini ang namugna nga mga sulat ni Dr. Jose Rizal sama na sa La Juventud Filipina, El Filibusterismo ug Noli Me Tangere nga nahimung kabahin sa kasaysayan sanglit anaa sulat ni Dr. Jose Rizal ang kaagi sa mga Filipino saunang panahon. "It was a constant writing of truth, parang gusto niyang iiwan talaga sa mga susunod na henerasyon ng ating bansa ang katotohanan,” pahayag ni Vice Mayor Lawrence Fortun. Ang Mutya Hong Butuan 2023 nga si Shayne Khietly Mellijor malipayon tungod nahimo siyang kabahin sa pagdumdum sa ika-127th death anniversary ni Dr. Jose Rizal. Gihangyo sab niya ang mga kabataan nga himuong inspirasyon si Dr. Jose Rizal labi na isa iyang mga obra. Mihatag sab og nindot nga dance presentation ang Hugis Dance Project nga asa gi-interpret ang Me Ultimo Adios o My Last Farewell. Mitambong sa kalihukan si Congressman Jose Joboy S. Aquino II, 16th Sangguniang Panlungsod, City DILG Charissa Guerta, BCPO City Director PCOL. Macro Archinue, Commander 402nd Brigade BGEN Adonis Ariel Orio, 15RCDG ARESCOM COL. Jonathan Obena, City DepEd Superintendent Minerva Albis, Boy Scouts of the Philippines, Girl Scout of the Philippines, Freemasons of the Philippines and Appendant Bodies, ug uban pang mga organisasyon. Ang aktibidad gihimo isip pagdumdum ug paghatag pasidungog kang Dr. Jose Rizal nga gipatay sa Bagumbayan ning adlawa tuig 1896 nga usa sa instrumento nga nakahatag sa kagawasan sa nasud.