Pormal ng gisugdan kagahapon pinaagi sa Entrance Conference ang Audit sa lokal nga panggamhanan sa Butuan sa pagpanguna sa Audit Team gikan sa Commission on Audit kun COA. Gipasabot sa Audit Team ang approach nga gamiton sa audit lakip na ang mga gikinahanglan nga dokumento nga susihon niini. Mapasalamaton si Jemuel Vales, Audit Team Leader sa presensya sa mga Department Heads sa entrance conference agig suporta niini ug nanghinaut siya nga mahimong malampuson kini. Gipahinumduman sab niya ang mga Department Heads nga dili angay mahadlok tungod ang katuyuan sa pag audit nga mapakita kung unsa ka transparent ang LGU Butuan labi na sa pinansyal ug compliance nga aspeto. Gipaabot ni City Mayor Ronnie Vicente Lagnada ang iyang dakung pasalamat sa COA tungod sila ang usa sa partners aron masiguro ang transparency sa LGU Butuan sa tanang transaksyon niini sa mga residente sa syudad. Dugang sab ni Mayor Lagnada nga ang audit dakong tabang sa bag-ong nahimo nga opisina nga City Internal Audit Department para mapangusgan ang internal audit sa LGU.